КОМИ ЙӦЗЛӦН СЬЫЛАНКЫВ

Сьӧлӧмысь кинь уськӧдысьӧй,
Узянінысь садьмӧдысьӧй.
Паськыд борйын турун быдмӧ —
Мича жӧ нин чветитӧ.
Если кӧ кутан радейтны,
Аски нывъяскӧд волам
Чветнытӧ киӧн босьтавны.
Если кӧ он кут радейтны,
Аски нывъяскӧд волам
Чветнытӧ кокӧн талявны.
Тэ кӧ вед кутан радейтны —
Кыдзи туруныс чветитӧ,
Сідз жӧ кутам ми чветитны.
Тэ кӧ жӧ он кут радейтны —
Кыдз арын туруныс косьмӧ,
Сідз жӧ кутам косьмыны.
Сьӧлӧмсьыд кӧ кутан радейтны —
Кыдзи турун дзоридзалӧ,
Сідз жӧ кутам дзоридзавны.
Сьӧлӧмсяньыд кӧ кутан лӧгавны —
Кыдзи арын турун кельдӧ,
Сідз жӧ кута кельдыны.