ОК, МИЛӦЙӦЙ, МИЛӦЙӦЙ ДА...

Ок, милӧйӧй, милӧйӧй да,
Шобді булки чужӧмӧй,
Юмов преник вом дорӧй.
Ок, милӧйӧй, милӧйӧй да,
Ӧзъялан чигаркаӧй,
Ӧзъялін да ӧзъялін,
Ӧзъялін да и кусін.
Ок, милӧйӧй, милӧйӧй,
Рытъя виччысянторйӧй,
Войса сӧвет вӧчысьӧй,
Пельӧс сайын кутлысьӧй,
Тюпень пӧтшва кисьтысьӧй.
Ок милӧйӧй, милӧйӧй,
Асылын колльӧдысьӧй,
Ужинтӧг узьлӧдысьӧй,
Ӧбедтӧг уджӧдысьӧй,
Пажунтӧг лунйӧдысьӧй.
Ок, милӧйӧй, милӧйӧй,
Бать-мамысь кӧдзӧдысьӧй,
Чой-вокысь янӧдысьӧй,
Рӧдвужысь янсӧдысьӧй.
Ок, милӧйӧй, милӧйӧй,
Вунӧдін тай, вунӧдін,
Эн тай кӧсйы вунӧдны,
Нэм тай кӧсйин радейтны.
Ок, милӧйӧй, милӧйӧй,
Вунӧдін тай, вунӧдін,
Шог-печаль вылӧ колин.