ПӦЛАТА

Куим сода пӧлата...
Пӧлатаас кӧ пырим,
Иньпӧв вылас видзӧдлім.
Вижӧ шкапыс сулалӧ.
Шкап помас ключ выйим.
Ключсӧ кӧ ме бергӧді,
Зарниа чунькытш босьті,
Веськыд водз чуням сюйи.
Ог тӧд тӧлысь-ӧ, шонді,
Сэтшӧм югыд да мича.
Базар вылӧ лэччӧдіс
Тысечаысь вузаліс.
Аслым бӧр джынсӧ босьті.
Ыргӧн керка карӧді,
Лӧшка-бекар ньӧбалі,
Сёян-юан лӧсьӧді.
Аслам рӧвнюшка эз во, — 
Ваӧ лэччи-шыбитчи,
Садӧвӧйӧ веськалі,
Веж видз кузя муні.
Аслам рӧвнюшка воча лои:
Вытяжнӧй сапӧг кокас,
Листӧвӧй гачыс кокас,
Кумач дӧрӧм вылысас,
Шӧвк паткаыс сьыліас,
Бобрӧвӧй шапка юрас,
Ной жилетка вылысас,
Веськыд зептас полуштоп,
Шуйга зэптас калач кӧв.
Мыш-мыш найӧ мунасны,
Вылӧ найӧ каясны.
Аддзысьлам кӧть ог аддзысьлӧ,
Не жӧ нин ӧд важ моз на...
Ольга, Ольга, прӧсти,
Шара-шара, прӧсти.