ШУЙГА МАРШГрымгӧй водзӧ, варыш чукӧр! Кывйӧн лябсьӧм к чёрту! Чергысь, жугав! Сетсьӧ Кыв Маузер ёртлы. Тырмас! Дыр-ӧ горзам Адам-Ева закон шуйсӧ! Дыш историясӧ вачкам орсӧн. Шуйга! Шуйга! Шуйга! Эй! Лӧз дӧрӧмъяс! Жбыргӧй! Саридз сайӧ! Абу ӧмӧй Ыргӧн Броненосецыслӧн Нырыс тайӧ!? Мед Коронаӧн Жергӧдӧма пиньсӧ Важ муыс, Змейӧн миян вылӧ жуйгӧ. Он кусӧд Коммуна би киньтӧ! Шуйга! Шуйга! Шуйга! Эстӧн Ыпъялӧны биӧн Лыдтӧм-тшӧттӧм муяс. Эй, Октябрлӧн пиян! Миллён кокӧн Тувччалӧй Ве Ка Пе туйӧд! Мед Кытшовтӧ медалӧм банда, Став му выв буржуйсӧ чуйдӧ, — Оз босьт Сӧветӧс Антанта! Шуйга! Шуйга! Шуйга! Куняс-ӧ синсӧ Чим гӧрд варыш? Оз ло и абу! Му вылыслысь горшсӧ Курыш-карыш Чабырт Пролетариатлӧн кабыр! Водзӧ чургӧд морӧс! Енэжсӧ плагӧн туйды! Коді сэн веськыднас сорӧ? Шуйга! Шуйга! Шуйга!
