СЫРИ-ЛЕТКИ ПАСЬКӦМА ГЕРОЙЯС

Аслам кывбурӧ ме верма
Ӧшны туг-бас тырыс дзик,
Мича кывйӧн, гора рифма-н
Верма баситны ме стих.
Медым, оз кӧ югъяв сабля,
Сімӧ ӧні пушка мыш.
И оз чурвидз штык. Но век жӧ
Мӧвпъяс костын мунӧ тыш.
Ме тшӧтш тышкася та косьын,
Ачым — командир ме сэн,
Салдатъясыс — рифма, кывъяс.
Нуӧдам ми ыджыд вен.
Медым сыри-летки налӧн — 
Сійӧ абу жеблун пас:
Морттӧ мундирыд оз басит,
Тышын смеллун — медбур бас.
Ог ме юав, дыр-ӧ олас
Менам сьыланкывлӧн гор.
Тӧда: косьын усьлӧ мортыд,
Овлӧ тышын сэтшӧмтор.
Лоас вежа кывбур книга-й!
Мед сэн — мӧвплӧн гу да горт.
Но ӧд гуас сэтӧн узьӧ
Йӧз шуд понда усьӧм морт.