ПӦЧЛӦН РУЖТӦМ

Пӧчӧ шуӧ: “Ок-ок-ок,
Ок-ок-ок!
Ок-ок-ок!

Йӧзыд лои ӧні лёк,
Вывті лёк,
Вывті лёк.

Зонъяс ӧні... веськыд мат,
Веськыд мат,
Веськыд мат.

Кулӧм бӧрын налы — ад,
Налы — ад,
Налы — ад.

Нывъяс миян — яндзим мен,
Яндзим мен,
Яндзим мен —

Вунӧдісны дзикӧдз ен,
Дзикӧдз ен,
Дзикӧдз ен.

Кулӧм йылысь абу шог,
Абу шог,
Абу шог.

Лои жӧ тай оланног,
Оланног,
Оланног.

Исполкомын зэв гӧль морт,
Зэв гӧль морт,
Зэв гӧль морт.

Озыр мортыс олӧ горт,
Олӧ горт,
Олӧ горт.

Татшӧм сьӧкыд воис кад,
Воис кад,
Вои кад.

Абу олӧм — веськыд мат,
Веськыд мат,
Веськыд мат.

Школаясын коми кыв,
Коми кыв,
Коми кыв.

Ог лэдз сэтчӧ пи ни ныв,
Пи ни ныв,
Пи ни ныв.

Коми кывсьыд мый нӧ сэсь,
Мый нӧ сэсь,
Мый нӧ сэсь —

Начальствоыд овлӧ спесь,
Овлӧ спесь,
Овлӧ спесь.

Господаыд быдла-н роч,
Быдла-н роч,
Быдла-н роч.

Коми кывйыд мустӧм проч,
Мустӧм проч,
Мустӧм проч.

Коми сёрни оз ков дзик,
Оз ков дзик,
Оз ков дзик.

Ставнас роч нин Яренск сик,
Яренск сик,
Яренск сик.”

Паччӧр вылас куйлігас,
Куйлігас,
Куйлігас

Пӧчӧ чӧвтіс пернапас,
Пернапас,
Пернапас.

“Олӧм лои веськыд мат,
Веськыд мат,
Веськыд мат.

Пӧрысь суис, кувны кад...”

*** 

Важӧн кад,
Важӧн кад!