НАЦИОНАЛЬНӦЙ СЬЫЛАНКЫВСувт, венгерец! Чужан муыд корӧ! Абу жӧ тэ нэм чӧж кежлӧ ёрӧм. Аслыд мездлун корсьны чеччы, Вӧля пӧдтысьлы эн сетчы! Аслыным ми сетам ёрсян кыв: Некор дзик — Некор рабъясӧн ог лоӧй, Некор дзик! Паськыд му вылын ми олам-вылам, Пӧльяс-пӧчьяслысь ми лов шы кылам! Лӧня узьны налы сьӧкыд, Кодыр рабство тані гӧгӧр. Аслыным ми сетам ёрсян кыв: Некор дзик — Некор рабъясӧн ог лоӧй, Некор дзик! Лёк и пеж зэв ӧні сэтшӧм мортыд, Кодлы донаджык жебиник гортыс Аслас чужан муыс дорсьыс И оз кӧсйы мездлун корсьны. Аслыным ми сетам ёрсян кыв: Некор дзик — Некор рабъясӧн ог лоӧй, Некор дзик! Мортлысь дорӧмаӧсь чептӧн кокъяс. Югнитлас мед киын сабля, вокъяс! Тырмас новлыны джаггӧрӧд, Штыктӧ тэрыбджыка вӧрӧд! Аслыным ми сетам ёрсян кыв: Некор дзик — Некор рабъясӧн ог лоӧй, Некор дзик! Венгръяслӧн нэмӧвӧйся мича нимыс, Дона ёртъяс-другъяс, эз на сім ӧд. Косьӧ петіг вирным ворсӧ, Мыськам важ янӧдӧмторсӧ. Аслыным ми сетам ёрсян кыв: Некор дзик — Некор рабъясӧн ог лоӧй, Некор дзик! Кытчӧ усян, лыбас мича нӧрыс, Дзирыд дзоридз ломзяс сэтчӧ шӧрас. Нимнытӧ копыра юрӧн Внукъяс казьтыласны бурӧн. Аслыным ми сетам ёрсян кыв: Некор дзик — Некор рабъясӧн ог лоӧй, Некор дзик!
