ПОЛІГТЫРЙИ...

Полігтырйи и дышпырысь
Шонді дзоргӧ паськыд му.
Ветлӧ вуджӧр лёка гырысь,
Зумыштчӧма пожӧм пу.

Тӧв пӧльыштіс шоныд руӧн,
Кыліс кӧнкӧ гымлӧн шы.
Гӧгӧр дзик вежӧдіс муыс,
Ӧзим вывті ветліс гы.

Чардби чаж-чаж вундіс кымӧр,
Чилскис-тюліс биа ньӧв;
Тырис муыс чорыд гымӧн:
«Грым-йирк» кыліс уна пӧв.

Гырысь зэр войт кымӧр койис,
Лэбзис гумыльгаӧн бус,
Гымлӧн грымгӧм ёнджык лои,
Чардлӧн вирдалӧм эз кус...

Кобис. Шонді гусьӧникӧн
Ыбъяс вылӧ чӧвтіс син:
Югӧр пытшкӧ вӧйи дзикӧдз
Чуймӧм мувыв, паськыдін.