МЕДВОДДЗА ГЫМ

Ме кывза-шензя первой гымлысь горсӧ
(Ӧд эм на гуранъясын лым)  — 
Кӧрт гумла вылын збой чань быттьӧ ворсӧ...
Мем муса первой тувсов гым.

Том кок шы гымлӧн грымгӧ, сяркакылӧ.
Со войтасьӧ нин, кыптіс бус  — 
И гумыльгаӧн кайис вылӧ-вылӧ...
А югӧр шонділӧн эз кус.

Со гымкӧд ӧттшӧтш парма гора шувгӧ
(Сэн кайлӧн дзользьӧмыс эз лӧнь),
Збой шорлӧн морӧс лёкысь бузгӧ-увгӧ...
Дзик ставыс нимкодясьӧ скӧнь.

Мед чуть кӧ гудыртчыліс ывлавылыс
И сывдіс гуранъясысь лым,
И юргис-мойдіс ыджыд тышъяс йылысь...
Мем муса первой тувсов гым.