КОМСОМОЛ МАРШСо сьӧд вой пазӧдім. Лэптысьӧ шонді Рабочӧй йӧз юръяс выв. Ӧдӧбты, комсомол — водзиын ён тыш! Гӧрд флотса, чукӧстчӧм кыв! Припев: Фабрикӧ, шахтаӧ, суднояс вылӧ Шонділысь нуалӧй би! Став му выв пасьтала матӧ и ылӧ Разӧдам гӧрд знамя ми. Кодзулӧн ломзьӧдам чарла да мӧлӧт. Лӧз дӧрӧм — енэжас дзуж. Матрослӧн том йӧзкӧд йитӧд пыр вӧлі, Лоас и... ньӧтчыд оз кус. Припев. Ставным ми заводлӧн, саридзлӧн пиян, Кӧсйӧмным — биаиз, кӧрт. Он повзьӧд саридз выв гыӧн, чардбиӧн — Миянӧс некыдз он йӧрт! Припев. Капитал рытылын кулан удж ружтӧ, Тільсьысьлысь тупкӧма вом... Грымӧбтас регыд сэн “Потёмкин” пушка, Вӧчас кыз буржуйлы пом. Припев. Лёкалӧ, усьласьӧ веж гыа саридз... Мый кӧть и лёкалӧ... мед!.. Водзӧ жӧ, гӧрд флотса комсомол, яра! Водзӧ жӧ, кось вылӧ пет! Припев.
