ГӦЛЬ ЙӦЗӦС НУӦДЫСЬЛӦН КУЛӦМ

Вӧлі рыт. Лӧзвевъя рӧмыдӧн
Кар вылыс сукмис.
Тэрмасигтырйи
Трамвайяс пышйисны.
Жуисны подаяс.
Кок улын дзуртыштіс лым.
Заводын пуис удж.
Быттьӧкӧ пыр тадзи вӧвлі,
Нэм тадзи лоас...
Но... сизим часын
Кремль башнявывса
Час вартысь черӧбтіс,
Костті друг час лыдсӧ кучкавны дугдіс.
Сувтлісны сутш кежлӧ трамвайяс...
Толаӧ ныр-вомсӧ сюйӧмӧн бӧрдіс
Автомобиль.
Увгисны-сьылісны фабрика трубаяс...
Чукӧрӧн-чукӧрӧн фабрикаяссянь
Сёрнитӧг, чӧла
Мунісны уджалысь йӧз...
Пӧльтіс тӧв — быттьӧкӧ шогсис.
Кар вылын пемыдыс топаліс, сукмис...
Сӧмын
Гӧрд лыйысь
Кремль ӧдзӧс водзын
Сулаліс, вӧтӧн моз кыліс —
Трамвайяс... сутуга... тӧлыс —
Ставыс
Колльӧдан сьыланкыв сьыліс.
Кывзіс
Пельсӧ
Чошкӧдӧмӧн —
Чабыртіс пищальсӧ чорыдджыка...
Тайӧ
Рытнас
Кулі
Уджалысь йӧзлӧн
Нуӧдысьыс.