ТШАКЪЯСЛӦН ТЫШКАСЬӦМ

Гоб, тшакъяслӧн юра, сулалӧ кыдз пу улын; быд тшакъяс вылӧ видзӧдігтырйи, вежӧр вылас пуктіс тышкасьны мунны, пондіс тшӧктыны: «Локтӧй, еджыд тшакъяс, ме ордӧ тышкасьны!» Еджыд тшакъяс йӧткысисны: «Ми, тшак ина-артаяс, тышкасьны ог мунӧй». «Локтӧй, рыжикъяс, ме ордӧ тышкасьны». Рыжикъяс йӧткысисны: «Ми, озыр мортъяс, мунны тышкасьны абу мыжа». «Локтӧй, ягсеръяс, ме ордӧ тышкасьны». Ягсеръяс йӧткысисны: «Ми, ӧксы пуысь-пӧжалысь, тышкасьны ог мунӧй». «Локтӧй, понтшакъяс, ме ордӧ тышкасьны». «Понтшакъяс йӧткысисны: «Миянлӧн кокъяс зэв вӧсньыд, тышкасьны ог мунӧй». «Локтӧй, ельдӧгъяс, ме ордӧ тышкасьны!» «Ми, ельдӧгъяс, ӧти сьӧлӧма зонъяс, мунам тышкасьны!».