РУЧ ДОЗМУККӦД

Энь петіс ыб вылӧ вундыны, йӧла дозмук дзебис идз сайӧ. Руч кыйӧдчис дозмук дорӧ, сы пытшкӧ юрсӧ сюйыштіс, йӧв юис; сылы гортӧ мунны кад нин, сӧмын шог кутӧ — дозмукысь юрсӧ кыскыны оз вермы. Руч ветлӧ-мунӧ, юрнас чӧвтӧ ӧтарӧ-мӧдарӧ, шуӧ: «Дозмукӧй, сералін нин, тырмас, лэдз менӧ, дозмукӧй! Тырмас тэныд, мусаӧй, серавны — ворсыштін, тырмас». Дозмук оз кольччы, колӧ кӧ, оз кӧ. Руч лӧгасис: «Сулав тэ, ёрӧмаӧй! Бурӧн кӧ он кольччы, тэнӧ ме вӧйтӧда». Руч котӧртіс шор дорӧ, пондіс вӧйтӧдны дозмук. Дозмук вӧйны тай вӧйис, сӧмын ручӧс ас бӧрсянь кыскис.