ТУРИ ЦАПЛЯКӦД

Лэбаліс ныж юра сюзь — гажа юр: лэбаліс, лэбаліс, лэбаліс, пуксис; бӧжнас бергӧдліс, ӧтарӧ-мӧдарӧ видзӧдліс, бара лэбзьыштіс; лэбаліс, лэбаліс, пуксис; бӧжнас бергӧдліс, ӧтарӧ-мӧдарӧ видзӧдліс. Сійӧ эм мойдкыв водз, мойдкывйыс нӧ быдсӧн водзын.

Нюр вылын оліс-выліс тури цаплякӧд; нюр дорын чом лэптісны, олісны.

Турилы ӧтнасӧн овны гажтӧм лоис; сылы мывкыд вылас уси гӧтрасьны. — «Вай, шуис, муна цапля ордӧ корасьны!» Люп-люп муніс, чомкоста нюр сійӧ кӧтіс; воис, шуӧ: «Цапля! Меным гӧтырӧн ло! Тшӧтш пондам овны». — Ог, тури, тэныд гӧтырӧн ог ло: тэнад паськӧмыд дженьыд, кокъясыд зэв кузь, ачыд омӧля лэбалан, тэнад оз ло, мыйӧн менӧ вердны. Ортсӧ мун, кузь кокаӧй!» — Тури гортас бергӧдчис, совтӧг сёйыштӧмӧн; цапля нӧ сы бӧрті садьмысис. «Ӧтнамӧн олӧм дорысь бурджык петны тури сайӧ». Цапля воӧ тури ордӧ, сылы шуӧ: «Турианӧй, гӧтыр пыдди босьт менӧ». Тури нӧ лӧгалӧ: «Ог, цапля, тэнӧ ог босьт гӧтыр пыдди: петны колӧ вӧлі, кодыр ме кораси, ӧні нӧ мун ортсӧ!» Яндзимпырсьыс цапля бӧрддзис, гортас муніс. Тури сы бӧрті садьмысис, шуис: «Омӧля кери, мый эг босьт цапляӧс гӧтыр пыдди; ӧтнамӧйлы гажтӧм овны; муна босьта сійӧс». — Тури воас цапля ордӧ, шуас: «Цапля! Ме кӧсъя тэнӧ гӧтыр пыдди босьтны, ме сайӧ пет!» — Цапля лӧгалӧ тури вылӧ, шуӧ: «Мун ортсӧ, кузь кокаӧй! Тэ сайӧ ог пет!» Тури гортас бергӧдчис. Сэсся цапля садьмысис: «Мыйла ме йӧткыси; бурджык лоас, кор тури сайӧ пета!» Воас корасьны, тури нӧ йӧткысьӧ.

Сідз тай ӧнӧдз ӧтарӧ-мӧдарӧ найӧ ветлӧны: корасьны корасьӧны, сӧмын оз вермыны гӧтрасьны, верӧс сайӧ петны.