* * *

Югыд шонді тай 
Менам саридзын лэбалӧмӧй!
Югыд шонді тай
Менам ыджыд тыын гыбалӧмӧй!
Югыд шонді тай
Менам татӧні олӧмӧй!
Югыд шонді тай
Бур адаса му вылын вундӧмӧй!
Югыд шонді тай
Паськыд видз вылын куртӧмӧй!
Югыд шонді тай
Тіян ордын мичасьӧмӧй ^мичмӧмӧй/^!
Ыб шӧр югыд шондіӧй
Медбур муӧй – вокӧй!
Му шӧр югыд шондіӧй
Медбур адасӧй – вокӧй!
Адас шӧр югыд шондіӧй
Медбур сусланӧй – вокӧй!
Суслан шӧр югыд шондіӧй
Медбур кольтаӧй – вокӧй!
Кольта шӧр югыд шондіӧй
Медбур шептӧй – вокӧй!
Шеп шӧр югыд шондіӧй
Медчорыд (ён) тусьӧй – вокӧй!