НӦДАН КЫВЪЯС
Быд керкаын быдтор вӧчысь. Ен.
Быд керкаын синмӧн аддзытӧм тор. Шонді.
Жӧлӧб дорын тэсь тасьті. Тӧлысь.
Кудйыс зэв сьӧд, вевтыс зэв еджыд. Му, лым.
Вучки-вачки му вылын, Кӧла-йӧла ва вылын. Тонгӧм.
Дас кык вок нэм куйлӧны, кодыркӧ нӧ оз чеччывны. Керка берд.
Быд керкаын киӧн вӧчтӧмтор. Розь.
Кык энь воча видзӧдӧны. Джодж, пӧтӧлӧк.
Быд керкаын лӧмӧсь эшкын. Паччӧр.
Кык кырныш лэбзьӧ, кӧлуйыс на вылын. Сёр.
Борйыс дона-дона, муыс донаджык. Быд керкаын кос сӧчӧн. Ӧшинь.
Быд керкаын бердлань банӧн ичмонь куйлӧ. Чер.
Сьӧд вӧр шӧрын пон увтчӧ. Пес кералӧм.
Сьӧд вӧр шӧрын юртӧм керка. Пес чипас.
Сьӧд вӧр шӧрын гӧрд гача сулалӧ. Кодыр сюмӧд кулясны, кыдз пу гӧрд кольӧ.
Сьӧд мӧс пышйӧ, гӧрд мӧс вӧтчӧ. Пач ломтысьӧм.
Ӧти вокыс мунас, ен кыа гӧгӧрті кытшовтас, мӧдыс пыр на мӧдӧдчӧ. Пач ломтысьӧм.
Гӧрд кудйын гӧрд пань. Пачын ӧгыр.
Пӧрысь-пӧрысь энь, сӧмын нэм чӧж дӧмсьӧ. Пывсян гор.
Керкаын луй-луй, ывлаын гунь-гонь. Тшын.
Гид тыр ыж, бӧжыс нӧ ӧти. Няньяс пачын, зыр.
Нин пос увті байдӧг котралӧ. Пожнасьӧм.
Йир ва дорын ва песӧны. Нянь кӧтӧм, гудралӧм.
Ичӧт-ичӧт кашник, кодыркӧ нӧ оз тырлы. Изки розь.
Житник вылӧ бур усьӧ. Тӧлӧдчӧм.
Чериыс лытӧм, ваыс сӧдз, вадорыс кӧрт. Кӧвдым, вый, скӧвӧрӧда.
Йир ва дорын ва кутӧма. Шыд кень.
Потшӧс вывті гӧрд ай курӧг котӧртӧ. Би ломтысьӧ сартасӧн.
Потшӧс косялан, тэчны нӧ он вермы. Сартас юкалӧм.
Кок джынйӧн сулалӧ, син джынйӧн видзӧдӧ, студеньӧн гылалӧ. Пеша, би.
Сё кока, сувтны нӧ оз вермы керка бердӧ. Рос.
Кык пеля, нёль кока, нёль вӧня. Лӧкань.
Ты вомӧн кӧрт мегыр. Пельса вуг, рач вуг.
Ки пасьта сьӧд, сьӧд шӧрын розь, розь шӧрын кыв. Томан.
Ичӧт-ичӧт ичмонь, пасьтӧдӧ нӧ быдӧнӧс. Ем.
Кӧрт ӧшинь костті будимер мыччысьӧ. Ем пыс, сунис.
Эньыс чукля, пиыс йӧйталӧ. Печкӧм.
Тэ, вокӧй, мун таті, ме муна мӧдарӧ, ӧтлаасям, кар тшупам. Вӧнь гӧрӧд.
Гына розьӧ шыльыд юр тюп. Кепысясьӧм.
Пу кар, идзас кар, рузум кар, кывтӧм горзысь. Кага зыбка.
Зэв тшӧкыд вӧр, сӧмын абу кытысь лыс перйыны. Юрси.
Ӧшинь вылын моль гоз. Син.
Сунлабич тыр еджыд чипан. Пинь.
Джодж (гӧбӧч пос) улын ва кукань. Кыв.
Ты войтыштӧ, та войтыштӧ, кодыркӧ нӧ оз войтышт. Исерга.
Гумла вылын чань кок туй. Гӧг.
Вӧрӧ кайӧ — нянь тупӧсь шыблалӧ, гортӧ локтӧ — нянь тупӧсь шыблалӧ. Кок туй.
Вӧрӧ кайӧ — дӧра вольсалӧ, гортӧ локтӧ — дӧра вольсалӧ. Лямпа туй.
Карта дорын кык акань йӧктӧ. Вӧв пель.
Увлань юрӧн коз быдмӧ. Бӧрӧн коз быдмӧ. Мӧс бӧж, вӧв бӧж.
Чой паныд ва кайӧ. Мӧс юӧм.
Идзи-адзи кык, чеги-веги нёль, лӧза-сулас дас. Нёньяс ыжлӧн, мӧслӧн, порсьлӧн.
Кык сись вылын гӧн сепыс. Чипан.
Пыр ветлӧдлӧ, как шыыс нӧ оз кыв. Тӧрӧкан.
Ва дорын зарни керка. Рак пань.
Сьӧд вӧр шӧрын гӧрд чуньлыс Жельнӧг йыв.
Мугу мугу — му вылын, чӧскыд курыд — бадь дорын, сьӧлӧм видзан — джадж дорын. Таг, таг коль, сов доз.
