МЕНАМ ОЛАН-ВЫЛАН ТУЙӦЙ

Рытъя войын ывла вылын
Сынӧд ыркыд вӧлі зэв,
Та пыр кадын ӧшинь дорын
Ме пукалі шогӧн чӧв.
Вой тӧв шургис, менам кумӧ
Пырис, сьылі коньӧр ном,
Діньгис, діньгис... пемыдінӧ
Сылӧн регыд воши пом...
Татшӧм абу олан-вылан
Ылӧ гортысь чуктан кор,
Ӧтнад зывган, діньган, сьылан,
Му кузь кыссян пыр чир нор...
Ен тай сиис, тӧдан, овны,
Водзӧ овны верман кыдз,
Кодыр часки шуас — «сувтны»,
Вошан йӧз пыр ном моз сідз!