* * *

Звӧн рытъядор, звӧн рытъядор
Мӧвп вылӧ вайӧ унатор,
Мый менам иніс, мый эз ин,
Том шуда кад да чужанін,
Тыр вӧлі радейтӧмӧн кӧн,
Медбӧрысь кывзі кӧні звӧн.

Дзик ставыс коли ылӧ со,
Да шуда лун мем оз нин во.
А кымынӧс нин босьтіс гу,
Гаж, томлун налысь дзебис му.
Гупытшса унтӧ он тай вен,
Оз кыв звӧн налы ӧні сэн.

Тшӧтш менам помасяс сэн нэм.
Тшӧтш водны кӧдзыд муӧ мем.
А вылын гӧгӧр лоӧ чӧв,
Да шога шувгас сӧмын тӧв.
Сэн мӧд, ог ме нин сьыланкыв
Звӧн кывзіг мӧвпъяс йылысь сьыв.