* * *

Шог Грузиялысь сьыланкыв
Эн сьыв ме дырйи, мича нылӧй.
Мӧд олӧм казьтылӧ быд кыв,
Мӧд муӧс, коли коді ылӧ.

Кор дойдан сьылӧм кыла тан,
Мый керан, син водзӧ мем чужӧ
Степь шӧр, да вой, да тӧлысь бан,
Да ылі коньӧр нывлӧн чужӧм.

Сэк, мыйӧн аддза тэнӧ ме,
Син водзысь муса вуджӧр бырӧ,
Кор панан сӧмын сьылӧм тэ, —
Бӧр сійӧн вежӧр менам тырӧ.

Шог Грузиялысь сьыланкыв
Эн сьыв ме дырйи, мича нылӧй.
Мӧд олӧм казьтылӧ быд кыв,
Мӧд муӧс, коли коді ылӧ.