НЫВЛӦН НЫЛӦМЫСЮгыд шондіӧй Менам ныв ыджыд нылӧмӧй! Югыд шондіӧй Менам нывса мичаӧй! Югыд шондіӧй Менам ӧксы ыджыд вынӧй! Югыд шондіӧй Менам оз дзоридзӧн дзордзалӧмӧй! Эг на эшты кисьмыны-сӧвмыны, — Вуж выйӧн тай менӧ нетшыштісны. Югыд шондіӧй Менам пельпом джуджыд ветлӧмӧй! Югыд шондіӧй Менам морӧс пасьта ветлӧмӧй! Югыд шондіӧй Менам мича нимӧй-юӧрӧй! Югыд шондіӧй Менам сявкъялӧмӧй-разъялӧмӧй! Югыд шондіӧй Менам мунӧмӧй-ветлӧмӧй! Югыд шондіӧй Менам кельчи этшӧн ворсӧмӧй! Югыд шондіӧй Менам сиг этшӧн гыбалӧмӧй! Югыд шондіӧй Менам сирпи этшӧн тивкъялӧмӧй! Югыд шондіӧй Менам ёді этшӧн пасьтапырысь ветлӧмӧй! Югыд шондіӧй Менам сын этшӧн садьмӧдчӧмӧй! Югыд шондіӧй тай Менам саридзын лэбалӧмӧй! Югыд шондіӧй тай Менам ыджыд тыын гыбалӧмӧй! Югыд шондіӧй тай Менам татӧні олӧмӧй! Югыд шондіӧй тай Менам бур адаса му вылын вундӧмӧй! Югыд шондіӧй тай Паськыд видз вылын куртӧмӧй! Югыд шондіӧй Менам кӧч гӧн еджыд яйӧй! Югыд шондіӧй Менам намыр небыд яйӧй! Югыд шондіӧй Менам оз тусь югыд вирӧй! Тӧдан тэ: менам коньӧрлӧн Кӧч гӧн еджыд яйӧй Коз кырсьӧ кутіс пӧрны; Оз тусь югыд вирӧй Му бусӧ кутіс пӧрны; Намыр небыд яйӧй Зуд сімӧ кутіс пӧрны. Югыд шондіӧй, Менам куим сё сывъяӧй, Ныв ыджыд нылалӧмӧй! Шудӧй кӧ оз пет менам, коньӧрлӧн, — Куим сё сывъяӧй Кӧрт кӧртӧдӧ пӧрӧ.
