БУРСИӦМ

Югыд шондіӧй, айӧй,
Бурси тэ меным, бурси
Ыджыд бурсиӧмтӧ
Юр вывсянь да кок улӧдзым!
Енсянь меным бурси
Ен кыа кодзулыс мында.
Асыввывсянь меным бурси
Оз дзоридзыс мында.
Лунвывсянь меным бурси
Керӧс кӧдзаыс мында.
Рытыввывсянь бурси
Лежнӧг дзоридзыс мында.
Войвывсянь меным бурси
Сэтӧр дзоридзыс мында.
Мусянь меным бурси
Веж туруныс мында.
Васянь меным бурси
Гыбалан чериыс мында.
Вӧрсянь меным бурси
Лэбалан пӧткаыс мында.
Ягсянь меным бурси
Быдман вотӧсыс мында.
Нюрсянь меным бурси
Керч пожӧмыс мында.