ТУЛЫСЫНТомдырйи олігӧн кыдз нӧ он дур! Кысь нӧ сэк тӧдан, мый омӧль, мый бур! Олан да ворсыштан, ворсан да сьылыштан. Тӧкӧтьӧ сёйыштны гортӧ тшук^муртса, тӧкӧтьӧ/^ волывлан. Ёна на муса мем челядьлун, ворсӧмъяс, Лым сыліг, шор пышйиг вадорын помсьӧмъяс, Сьӧлӧмлӧн писькӧдчӧм, корсьысьӧм пыр; Выльысь-выль уджъясыд оз сэки быр! _______________ Айяслӧн, мамъяслӧн асланыс удж: Виричӧ му катлӧм, мавтӧм сэн пыж. Йиыд пӧ кылалӧ. Колӧ пӧ лӧсьӧдны Тӧбысьӧ, Кедваӧ^Тӧбысь, Кедва — юяс/^ кер пурла катлыны. Оз вунны гӧр-агас, мувывса кӧдзасъяс. Ызйӧдӧ тулыс пом быдӧнлысь сьӧлӧмъяс, Ёнмӧдӧ, шонӧдӧ, зэлӧдӧ вын. Сэки юр кырмыштны^гыжйыштны/^ оз волы лун. Дзирдалӧ шонді — енэжлӧн пи. Югӧрнас пӧдтӧ, розьӧдӧ йи. Лэбӧны лунвывсянь быдсяма пӧткаяс: Дзодзӧгъяс, турияс, каляяс, лэбачьяс. Пӧчьяс сэк кагаась кильчӧвыв тагӧсын^/^ Казьтӧны том олӧм, йӧктӧм да ворсӧмъяс... Код налысь тӧдӧ, сьӧлӧмысь бур ӧвтӧм, Код налысь тӧдӧ, гажӧдчӧм-ӧ, шогсьӧм-ӧ»! _______________ Вужйӧн сэк, тулысын, вомтӧ он вур. Быдӧн на гажа зэв, быдӧн на бур! Пӧткаяс-бажукъяс^Бажук — дитя, бобӧ, зарни (ошкан кыв)/^, тулыс пом вайысьяс, Бара ті лэбзянныд войвывлань, кысковъяс; Бара ті гож водзын тірганныд-порганныд, Выліын, енэжын гажаа жуанныд. Кысканныд бур йӧзлысь сьӧлӧмысь веж, Пӧльтанныд чукӧра тӧвдырся эж^эжӧд/^, Сюрӧсӧн разласиг^Сюрӧсӧн разласиг — кузя потласиг, жугавлігтырйи/^ кылалӧ йи. Котӧртам вадорӧ туисӧн ми... Палакъяс^йи пластъяс/^ бузгӧны, рузгӧны-разгӧны, Гылыда увланьӧ песласиг кывтӧны. «Ой-ёй, эн усьӧ ті! матӧ эн мунӧ!» — Ва колӧ гумовтны, мыссямӧ вайӧ, — Зильгӧны гӧлӧсъяс. Путкыльтӧ йи: Пыдӧсӧдз пыралас, гудыртӧ ю. _______________ — Ӧльӧш Маш, Ӧль Анна, сьыламӧ вай! — Вай инӧ, вай! пыльзьӧ^нимкодьпырысь тэрмасьӧмӧн шуӧ/^ сэн Маль^морт ним/^... — Йи кылалӧ, дӧлалӧ, Зарни ӧдзӧс волялӧ. Иванӧ прӧсьти, Маръяӧ видза! Гӧнюшла, гӧнюшла, мӧдӧдчам вай! Зульсьӧны^гыӧны, жуӧны/^ гортӧ. Айӧ кер пань. _______________ Ыджыд видз. Гриш Ласта мылькъя выв му. Розь нин дзик быдлаын, быдлаын гу! Мырсьӧны ӧтарӧ мӧда-мӧд сэн поліг, Кодйӧны гӧнюш пыр. — Тэяд тай унджык! — Эсылӧн мыйта! — Видзӧдлӧ, видзӧдлӧ, Шыркать^гӧньӧ чукӧр/^ мем сюри! — Волӧй вай, волӧй... Туисыс тыри лоӧ дзонь пож. Мӧдӧдчан гортӧ. Мӧдӧдчан ньӧж. _______________ Быттьӧкӧ локтасны зэв гырысь йӧз, Кыскӧны гӧнюш быдса дзонь доз. Пӧчьяс сэк ошкӧны, быд бурсӧ сызьӧны^сиӧны, кӧсйӧны/^: «Бласлӧ Кристос, тулыс воис, Гӧнюш вомын — ид-сю вайысь. Корйыс пожйӧ, зарни доддьӧ. Ошлы висьӧм, порсьлы лудӧм, Кузь нэм, бур шуд пӧч вердысьлы». _______________ Ӧль дядьӧ вайӧма зэв уна сир. Пестыны кӧсйӧ, бужӧдӧ би. Миш Ӧльӧш валяйтӧ кондаяс. Сир лэдзны кодйӧма зэв гажа чом кодьӧс: Лэччӧдлӧ кырсь пуяс, сюмӧдъяс, ручкаяс. Вежайӧ юасьӧ: «уна-ӧ виялас?» Колӧ пӧ дорсьыны, шедӧдны шом. _______________ Поздысям би дорӧ ми, Сэтшӧм жӧ чомъяс лӧсьӧдам гу. Лыаӧн киськалам, мольӧдам, тапкӧдам, Клянича корсялам, ӧшиньяс пукталам. Кабала гусявлам, енъяс сэсь вӧчалам, Ньӧвъя вудж зэлӧдам, вӧравны лӧсьӧдчам. Енджаджйысь Коль вокӧ кыскӧма ен... Мый нин и шуан! Став гажным сэн! _______________ Он куж и висьтавны, мый абу сэн? Быдсяма ворсӧмъяс син водзын мем: Путшкысьӧм, быдмасьӧм, пыш лякӧм, лэчкасьӧм, Воюйтӧм, уралӧм, ытшкысьӧм, изӧдчӧм, Геч кутӧм^Геч кутӧм — челядьлӧн ворсӧм/^, би пестӧм, ломтысьӧм, пес кералӧм.... Сэк тай олан дыр вӧлӧма весь! Сійӧ и вӧлӧма, вӧлӧма весь!!!... _______________ Томдырйи олігӧн кыдз нӧ он дур! Кысь нӧ сэк тӧдан, мый омӧль, мый бур. Олан да ворсыштан, ворсан да сьылыштан. Тӧкӧтьӧ сёйыштны гортӧ тшук волывлан. Ёна на муса мем челядьлун, ворсӧмъяс, Лым сыліг, шор пышйиг, вадорын помсьӧмъяс. Сьӧлӧмлӧн такӧдчӧм, корсьысьӧм... Выльысь-выль уджъясыд оз сэки быр!..
