«ЕРЕТНИЧЕСТВО»

Пемыд войын оз ков тӧлысь,
Яра сотчӧ, оз пов тӧлысь
«Еретничество»,
«Еретничество».
Ветлыны кар кузя югыд,
Важ моз ныр-вомъяс он жугӧд — 
Гӧгӧр тыдалӧ,
Быдтор тыдалӧ.
Карасин да сартас вунӧ,
Сюръя кузя биыд мунӧ,
Пырӧ керкаӧ,
Пырӧ керкаӧ.
Еджыд кырыма йӧз шензьӧ,
Мӧда-мӧдкӧд ёна вензьӧ:
«Тайӧ вӧчим ми,
Ставсӧ вӧчим ми».
«Субӧтникъяс вылӧ ветлім,
Станциятӧ регыд лэптім»,
«Унежитчим ми,
Перйим югыд би!»
«Машинаяс гезйӧн кыским,
Гожӧмбыд зэв зіля мырсим,
Кодйим сюръя гу,
Кодйим сюръя гу».
«Сюръяясыд ӧдйӧ кайис, — 
Ёна уджалім ас пайысь, — 
Уна киссис пӧсь,
Уна киссис пӧсь...»
«Ӧні сы пыдди ми корам — 
Он кӧ сетӧ, ен мед ёрас — 
«Еретничество»,
«Еретничество»!

Аттӧ, йӧзыд кутшӧм мудер,
Аддзӧ — синмас пырӧ югӧр, — 
Шуӧ: «Вӧчим ми,
Вайӧ ӧдйӧ би!»
Оз ков ньӧтчыд уджысь повны,
Колӧ ӧтвылысь пыр овны,
Некод сэк оз нер,
Некод сэк оз нер.
Куим воӧн позис тӧдны,
Кутшӧм туйӧд кодлы мӧдны,
Кодарын медбур,
Быдӧнлӧн эм юр.