1917 — ОКТЯБР — 1920Куим во нин тыри, Сӧветскӧй власьт олӧ, Регыд озыр бырӧ, Бырӧ сьӧкыд олӧм. Уна дзескыд пӧра Куим воӧн тӧдлім, Колям лёксӧ бӧрӧ, Мед нин оз во мӧдысь. Коймӧд Октябр бӧрын Мед нин пуксяс олӧм, Мед нин войтыр шӧрын Бырӧ косьӧ волӧм! Тайӧ Октябр вайӧ Йӧзлы гажа лунъяс, — Мед жӧ юрӧ кайӧ Гӧльлы долыд думъяс! Мед кӧть сьӧкыд вӧлі, Видзӧдам ми водзӧ, Мырддим ыджыд вӧля, Паськӧдам, ог мудзӧ. Мед кӧть олім шогӧн, — Октябр оз вун гӧльлӧн: Октябр — миян шонді, Октябр — югыд вӧля.
