ПРАНСУЗСКӦЙ «КИРЫ-НАРЫ»

Кирли-карли, кирли-кар:
Сертсӧ веселится!
Париж — ыджыд, джуджыд кар,
Прансузскӧй столица.
Кумма-рина, кумма-ран, — 
Ты играй, гармошка!
Паськыд рушку Мильеран
Врангельӧс зэв ошкӧ.
Тита-рита, тита-ра, — 
Молодец удалый!
Савинков да Петлюра
Локтӧны пӧ талань.
Гирли-гырли, гирли-гыр,
Пропадай, телега!
Антанталӧн усьӧ ныр,
Зарни кокыс чегӧ.
Тпрута-тата, тпрута на, — 
Скучно, дорогая!
Большевикыд-сӧтана — 
Гӧльлы олӧм вайӧ!?
Виня-вӧня, виня-вӧ, — 
Ты играй побольше!
Аттӧ, дивӧ, сё дивӧ, — 
Миритчӧма Польша!?
Дзирли-юрли, дзирли-я, — 
Люблю я, поверь мне!
Воши миян надея,
Гӧрдӧс эгӧ вермӧ!
Тени-рени, тени-ра, — 
Непорочный ангел!
Коли ӧтик енерал — 
Шондібанӧй — Врангель.
Тпру-ка, нука, тпру-ка, стой — 
Доля моя, доля!
Гӧрд кӧ вермас, ой-ой-ой! —
Орӧ миян голя!