МЕДБӦРЪЯ ЗВӦН

Тилинь-билинь-дзилинь-бом,
Еджыдъяслы воим пом!
Тиринь-биринь-дзиринь-брань,
Пӧттӧдз сёйим еджыд нянь!..
Тирбинь-бирбинь-дзирбинь-дзур,
Коли толькӧ Аныб чурк!..
Тиржинь-биржинь-дзиржинь-бреж,
Латкин дзебис югыд плеш!..
Тирвинь-бирвинь-дзирвинь-бур,
Ролланд корӧ курыд сур!..
Тирзинь-бирзинь-дзирзинь-бринь,
Прокушовлы колӧ чин...
Тилинь-билинь-дзилинь-блюн,
Регыд воас гажа лун!..
Тиринь-биринь-дзиринь-був,
Еджыдъяслы джуджыд гу!..
Тирлинь-бирлинь-дзирлинь-блянь,
Тырмас налы, тырмас, шань!..
Пирӧг, шаньга, рудзӧг нянь,
Оз ков чорыд еджыд нянь!

Нёбдінса Виттор