***

Нывбабаяс, тіянлы шуам ми!..

Коми книга лэдзанін. Сыктывкар 1921 во. Гижӧма Бухарин серті М. Ёль гӧгӧрвоана коми кывйӧн. Тайӧ книгаыс висьталӧ, кыдзи сӧветскӧй власьт отсалӧ уджалысь нывбабалы, кутшӧм права налы сетӧ. Ёна на пемыдӧсь коми нывбабаяс, нинӧм на оз тӧдны. Тайӧ книгаыс медводдза нывбаба костӧ усьӧм югӧртор. Лыддьӧй тайӧ книгасӧ нывбабаяслы, медым югӧрторйыс садьмӧдас найӧс да нуӧдас ыджыд югыд дінас.

Неважӧн петіс выль коми книга Гӧрд Пӧлян (сьыланкывъяс). Сэтӧні эмӧсь гижӧдъяс: Нёбдінса Витторлӧн, Сьӧлӧмлӧн, М. Н. Лебедёвлӧн, Визьлӧн, Варышлӧн, Ёгор Колеговлӧн, А. А. Чеусовлӧн, О. С. Улитинлӧн, И. Ч.-лӧн, Вась Педӧрлӧн, Сандрик Миколлӧн.

Важӧн нин колӧ вӧлі тайӧ книгаыс, важӧн колӧ вӧлі петкӧдны йӧз син водзӧ коми сьыланкывъяссӧ, сӧмын тайӧ книгаыс ичӧтик, этша на сэтӧні сьыланкывъяс. Нӧшта колӧ лэдзны йӧз пӧвстысь босьтӧм сьыланкывъяс.

С. М.