А ЮЫС КЫВТӦА юыс кывтӧ, нуӧ васӧ, А юыс пышйӧ, мудз оз тӧд. Ме тэнӧ кора видзӧдласӧн, Но мыйла менӧ тэ он вӧт? Ме ветла луннас сэтчӧ-татчӧ, Ме аддза войнас чӧскыд вӧт. Ме гӧгӧр зонмыс уна гартчӧ, Но мыйла менӧ тэ он вӧт? Ме клубын рытнас йӧкта-сьыла, Ме гажӧдчӧмысь ог и пӧт. А тэнад видзӧдлӧмысь сыла, Но мыйла менӧ тэ он вӧт? Ме сьӧкыдлунъяс лючки вена, Но другысь бытшкас дой, кӧть бӧрд, А ставыс сы вӧсна, мый менӧ Тэ бара, муна кор, он вӧт. А юыс кывтӧ, нуӧ васӧ, А юыс пышйӧ, мудз оз тӧд. Ме тэнӧ сёя видзӧдласӧн, Но некор, буракӧ, ог пӧт.
