ВИДЗӦЙ ПАРМАСӦ!

Сисьяс быттьӧкӧ — сувтісны кыдзьяс,
Наысь морӧсын югыдлун содӧ!
Муса войтырӧй, пармасӧ видзӧй!
Сійӧ олӧмлӧн пыкӧд и подув.

Чӧскыд оз тусьӧн онялӧ гожӧм.
Шуда пӧра мед дырджык оз эновт,
Видзӧй пармасӧ, коз пу и пожӧм —
Найӧ пыкӧны усьӧмысь енэж!

Ола-майшася — мӧд ног нӧ кыдзи?! —
Кодыр дырджык оз шыасьлы ябыр.
Кора ёртъясӧс: пармасӧ видзӧй!
Таысь ыджыдджык тӧждлуныс абу!

Разнӧй шуд миян лэчьясӧ шедӧ.
Но ме дугдывтӧг лун кӧть вой доля:
Видзӧй пармасӧ, сулалӧ медым!
Ставӧн бырам, а сійӧ мед кольӧ!