ЮКМӦС, КРАН ДА МУСЛУН

«Ваыс киссьӧ, булькйӧ-пессьӧ кранын,
Юкмӧсдорса томлун казьтлӧ мен».
(Ю. Васютов, «Ӧшалӧ музейлӧн
стенын карнан».)

Ола карын. Васӧ босьта кранысь,
Юкмӧс дорӧ лэччывны оз ков.
Козьналі музейлӧн стенӧ карнан.
Ӧні, майбыр, сӧмын сьыв да ов.

Ваыс киссьӧ, лун кӧть вой — оз дугдыв.
Юкмӧсдорса томлун казьтӧ мен.
Вӧлі сӧмын тӧкӧтьӧ на югдӧ,
Юкмӧс корас — паныдасям сэн.

Ёрта-ёртлы кыв ни джын ог шулӧй,
Сӧмын гӧрдӧдыштас чужӧмбан...
Ӧні кранъяс дорын зырта улӧс,
Но оз гӧрддзасьлыв любовыд тан.