ПЫЖ ДА ОЛӦМ

«Морт олӧм ю быть вуджны колӧ,
Кӧть дзонь, кӧть розьӧсь менам пыж».
«Ме пыжӧс бӧрйыны эг кужлы,
И пелыс корсьны сям эз вӧв».
(В. Власов. «Олӧм».)

Мый олӧм — ю, ме томсянь эска,
И сійӧс вуджны колӧ пыж.
Но мыйла менӧ оз ну весьтас,
Эн корсьӧй таысь менсьым мыж.

Ме пыжӧс бӧрйыны эг кужлы,
И пелыс корсьны сям эз вӧв
Но олан ю быть колӧ вуджны,
А сійӧс подӧн сідз он кев.

Кӧть розьӧсь сюрӧма мем пыжыс,
Ме талы весиг радла на.
Ӧд кута вуджны кымын дыша,
Ме сымын унджык коя ва.