ШУДА ОЛӦМ

...«Кутшӧм эм, а гӧтыр эм
Енэж улас менам»...
...«А ме, чайта, шуа на
Коркӧ тайӧс шудӧн».
(Г. Юшков)

Абу нывбаба, а чӧрт
Гӧтыр меным сюрис.
Сыысь олӧмӧй, ог сӧр,
Лоис сирысь курыд.

Сӧмын гӧтрасим кӧ — сёр
Корсьны бӧрӧ кежӧд,
Кӧть и нэм чӧжыд оз ор
Гӧтыр вылӧ вежыд.

Зыкын коляс лун и вой,
Но оз сетны некод
Ог тӧд: светас эм-ӧ вот
Кӧнкӧ олысь ме кодь.

Мукӧд дырйи думайтла:
Гашкӧ, сетны судӧ?
Но ме, чайта, шуа на
Коркӧ тайӧс шудӧн.