* * *

Со ва веркӧссӧ вундӧ збой моторка,
Но юсӧ тайӧс озырӧн он шу...
Ми чужан мулы мынтысям-ӧ коркӧ,
Мый чашйим парма, косьтім ёль да ю.

И сьӧкыд сыысь мыжаяссӧ корсьны,
Мый вугырад оз тшапась дарга-ёс...
Мый повзим, чужан мунымӧс эг дорйӧй
Эг панӧй быдмысь горшлуныскӧд кось.
Кӧзяинъясӧн ас муын эг лоӧй,
А кодъясӧскӧ бокысь воысь-воӧ
Пыр виччысям, кыдз енмӧс...
Мый кӧть шу.

Но регыд потӧм воръяс дорӧ колям,
Кӧть вермӧм йылысь помасьлытӧг долям,
А синъяснымӧс пыр на тупкӧ ру...