ЧУЖАН МУ

Ме уналаын вӧвлі,
Сӧмын век
Ме помниті,
Мый чужан муӧй виччӧ.
И некор ме эг вунӧдлывлы, эг
Ни дедлысь керкасӧ,
Ки ӧшинювса кыдзсӧ.

Ме уналаын вӧвлі,
Сӧмын лов,
Кӧть лэби самолётӧн,
Вӧлі бордтӧм.
А гортса сынӧд,
Уна тай оз ков,
Бӧр менӧ вӧчліс
Медся шуда мортӧн.

Ме уналаын вӧвлі,
Уна ва
Ме юлі кӧшӧн,
Кружкаӧн и сідзи.
И эм кӧ тайӧ светас
Ловъя ва,
Дерт, сійӧс сӧмын чужан муыд
Видзӧ.