ЁЛЬ

Помнитӧ-ӧ менӧ, гашкӧ, оз нин
Парма шӧрӧ дзебсьӧм ичӧт ёль?
Берегдорса пожӧмӧ ни козйӧ,
Татчӧ воліг, пасӧс ме эг коль.

ПРИПЕВ: Ёль, ёль, ёль,
		Сьылӧ парма ёль.

Сӧмын босьтлі содз тыр сӧстӧм васӧ,
Коді кынтіс вом дор, сотіс кыв.
Сӧмын ёльыс меным шойччан часӧ
Сьыліс ассьыс мелі сьыланкыв.

Шойччышті и муні. Ог тӧд ачым,
Мыйла лои мекӧд татшӧмтор:
Ловзьылӧ сэк морӧс пытшкын лача,
Ёльыс йылысь казьтыла ме кор.

Ме сы дорӧ вола на, дерт, вола,
Кӧть и колӧ вуджны нюр да оль.
Гашкӧ, ӧні сы могӧн и ола,
Мый оз ланьтлы сьывны Парма ёль.