ЛЁК ЮӦР

Лёк юӧр — кырныш — усяс-воас,
Шань мӧвпъяс разаласны пась!
И сэтшӧм гажтӧм-шуштӧм лоас,
Стӧч дзикӧдз кушмӧм арся рас.
Кысь воши-быри лэбач гӧлӧс
И бордлӧн-корлӧн шпарган шы...
А кутшӧм шуда тані вӧлі!
А кыдзи ветліс гажлӧн гы!
Но воис ар — и вежсис серыс,
Юр весьтын кымӧр — саысь сьӧд!
И рассӧ пӧдтӧ сувтса зэрыс,
Но раскыс сулалӧ — оз пӧд!
Ме кыдзьяс моз жӧ кынма талун,
И лолӧй тіралӧ, кыдз кор.
Ме пыдӧ дзеби серам бала,
И чужӧ сьыланкывйӧй нор.