МИ — КОРЪЯС

Ми — коръяс.
Ми тулысын мыччысим-петім.
И мӧвпалім:
Пунымӧс качӧдам вылӧ.
Но весьшӧрӧ бордъясӧн
			асьнымӧс кылім
Да гожӧмбыд песім.

Ми — коръяс.
Ми, турунвиж рӧмаӧсь
гугӧн и банӧн,
Пыр чайтім,
Мый здук воас —
Лэбзьыштам шуднымлы паныд.
Но ранитчӧм лэбач моз
Му вылӧ усим,
Кор мынтӧдчим пусьыс.

Ми — коръяс.
Ми кӧсйим
И шедӧдім аслыным вӧля.
И виччысим:
Ми водзын выль олӧм воссяс.
Но шудыс тай миянлӧн
Пу вылын вӧлӧм,
А ӧтнаным — косьмим.