ПЕДӦР

Видзӧд, видзӧд, кыдзи Педӧр
Мунӧ ас велосипедӧн.
Чожа бергӧдлӧ педаль,
Нымӧн Катшысӧс эз таль.

Педӧр бӧрся Катшыс вӧтчӧ,
Увтӧ сылы: «Ньӧжмӧд ӧдтӧ,
Дзоньӧн-бурӧн коляс мед
Тэнад выль велосипед.»

Сӧмын Педӧрыд оз кывзысь,
Нӧшта ӧдӧбтіс... Пос вывті
Кӧсйис вуджны визув шор...
Некод Педӧрлы эз сор.

Ачыс вильстіс, ачыс усис.
Ӧдва мыніс сэсся гусьыс.
Вӧлись гӧгӧрвоис сэк,
Оз позь ышмынытӧ век.