ПИСЬМӦ

Пышкай,
Кодыр тӧвнас висьмис,
Гижис ылі муӧ письмӧ:
«Видза олан, дона сырчик!
Мыйла он лок татшӧм дыр тэ?
Сэтшӧм гажтӧм меным...
Важӧн
Тэысь бырис ёна гажӧй.
Оз-ӧ позь нин, муса ёрт,
Сэсся кольны лунвыв горт?
Вай жӧ тэрмась чужан мулань,
Медым ӧдйӧ пуксис тулыс,
Сытӧг кӧдзыд лым оз сыв...»
Регыд воис воча кыв:
«Пышкай ёртлы медпӧсь чолӧм!
Пыр жӧ чукӧрті ме олас,
Кодыр лыдди тэсянь юӧр.
Талун-аски пета туйӧ...»
Сӧмын татшӧм письмӧ воис,
Пышкай бурдіс, долыд лоис,
Быттьӧ эз и вӧвлы висьӧм.
Со ӧд кутшӧм овлӧ письмӧ!