БУКЕТ

Мӧдлапӧвса видзьяс вылӧ
Вуджала ме пыжӧн.
Мед кӧть мудзла,
Петас ньылӧм —
Ог ло таысь дышӧн.
Нетшка сэтысь уна дзоридз,
Чукӧрта букетӧ,
Рытнас локта муса дорӧ,
Дзоридзьяссӧ сета.
Шуа сылы:
	«Мича нылӧй,
Мӧдкӧд ӧні ветлан...
Медым помнитін ме йылысь,
Тайӧс
Босьт букетсӧ».
Сӧмын сиктӧ лэччас рытыс,
Став букетыс вазяс.
Менам муса нылӧй кытӧн?
Мунас — и оз казяв.
Но и мед!
Ме аски выльысь
Вуджа визув коськті.
Сӧмын кӧсъя:
Муса нылӧй
Мед букетсӧ босьтас.