* * *

Мед кӧдзыд лымйыс эз на сыв,
Мед лым ув дзоридз эз на мыччысь,
Мед рытнас менӧ муса ныв
Сэн, льӧм пу дорас, эз на виччысь.

Но тайӧ рытыс кутшӧм лӧнь!
Но кутшӧм шоныд пӧльтысь тӧлыс!
И шӧпкӧ гусьӧн ловзьысь льӧм,
И тайӧс ставсӧ кылӧ сьӧлӧм.

Ме некор татшӧмӧн эг вӧв,
Ме талун быттьӧ ловнам выльми.
И чужӧ сьӧлӧм пытшкын мӧвп,
И эска: сійӧ регыд збыльмас.

И лымйысь мездысяс му выв,
И синсӧ восьтас лым ув дзоридз.
И менӧ рытнас муса ныв
Сэн виччысяс на льӧм пу дорас.