КОР ВОАС ТУЛЫС

Кор воас тулыс, бара кыптӧ лолӧй,
И пельпом сайын кыла вына борд,
Кыдз сійӧ юсьыс, коді оз тӧд полӧм
Да лэбӧ сэтчӧ, кӧні лымъя горт.

Кӧн тувсов шонді оз на войтав выйӧн,
И восьсаиныс — уяланін — шоч.
Но лэбысь сьӧлӧм пуӧ муслун гыӧн
И каитчыны оз кут — лэбны водз.

Мед эз на помӧдз ляпкав джуджыд тола,
Мед локтысь войыс зэв на кӧдзыд лоас,
Ме нора сьылӧм та вӧсна ог кы.

Ме талун кӧсъя лоны сійӧ юсьӧн,
Код тӧвлӧн кӧрт кодь йияс вылӧ пуксьӧ
Да виччысьӧ, кор вӧрзяс кынмӧм гы.