ЧЕЛЯДЬ КАТЕР

Ме сэки тулыс виччыси эг сыысь,
Мый сійӧ нуас вогӧгӧрся лӧп.
Мем вӧлі сэки тырмымӧн, мый лымйысь
Горт дорӧ артмас саридз сяма гӧп.

Ме сэки вӧчлі пожӧм кырсьысь катер,
Сы мачта вылын парус — быттьӧ борд.
Ме ассьым катер лэдзи гӧптӧ, матӧ,
И сійӧ вӧрзис, тӧв пыр йӧткис кор.

Ме катерыслы киӧн эг и ӧвтышт...
Мем вӧлі сэки сійӧ сӧмын жаль,
Мый менам катер сэтчань нырӧн тӧвзис,
Кӧн мыччысьӧма вӧлі сибдан нальк.

Ме ӧні абу ичӧт, быдми-туи.
А тувсов гӧптыс дзоля лоис, кос.
Но челядь катер тӧлыс сэтчӧ нуис,
Кысь сійӧс нин он аддзы, ни он босьт.