ШОНДІ ЮГӦР КОДЬШонді югӧр кодь Югӧр тэныд, Коми автономия, Октябрлӧн козин! Ме син водзын — Сталь паськӧма Багатыр. Грымакылан-юрган, Нуӧдан Коми уджалысь йӧзсӧ Социализм туйӧд Тшем сук парма пыр. Парма вӧрӧд Грымӧд, юргы! Тэнӧ Нинӧмтор оз пӧрӧд — Ёсь ньӧвъя пашляк ни Синтӧм-пельтӧм пурга, Ни сімсьӧд кымӧр... Грымӧд! Грымӧд! _____________ Шонді югӧр кодь Югӧр Тэныд, Коми автономия. Козин тэныд со мый эм: Мильон-мильон кер Вӧчис уджалысьлӧн чер. Козьнала ме Нимлун тэнсьыд Мильон керйӧн, Кодӧс Кӧрт рушкуа трактор да Гыӧр ныра чибӧ Сьӧд вӧр шӧрысь Берег дорӧ перйис. _____________ Тэныд тыри Дас арӧс. Мышку вывсьыд Шарӧд, Пыркнит Кулак позсӧ. Лязӧд, Пазӧд Эмбур тшыкӧдлысь Возсӧ... Чукйӧн тырт Вит вося Планлысь Коймӧд восӧ. Парма вӧрӧд Грымӧд, юргы! Тэнӧ Нинӧмтор оз пӧрӧд — Ёсь ньӧвъя пашляк ни Синтӧм-пельтӧм пурга, Ни сімсьӧд кымӧр. Грымӧд! Грымӧд! _____________ Вежсьӧ Войвыв. Пуӧ Уджалысьлӧн сой вын. Коми муӧ Шуньгысьӧ-водӧ кӧрт туй, — Регыд нин грымӧдас тат... Чужӧ — Коми пролетариат... Коді войдӧр Йирліс кач? Поліс быттьӧ шыр? Гӧль войтыр. Ӧткӧн тільсис лун и вой. Ӧні муным колхозъясӧн тыр! Быдмӧ фабрик-завод... Миян мог: Пур кылӧдны петны ставӧн... Ов жӧ, емдон Багатыр! Нуӧд Сӧвет Коми мусӧ. Тэныд Эскӧмӧн Менам Морӧсӧй тыр. Ов жӧ, емдон Багатыр! _____________ Парма вӧрӧд Грымӧд, юргы! Тэнӧ Нинӧмтор оз пӧрӧд — Ёсь ньӧвъя пашляк ни Синтӧм-пельтӧм пурга, Ни сімсьӧд кымӧр. Грымӧд! Грымӧд!
