ЧОЛӦМ 5-ӧд лун май 1926 воЧолӧм тэныд, Коми автономия. Чолӧм вит во тыран луныдлы! Тӧда: тэнӧ восьтіс коми йӧз Шогсӧ ассьыс вунӧдны: Чӧвтны сійӧс, Дорны шуд... Аддзан: мӧлӧт киас... Чорыдджыка кут! Некодлы мед тӧд вывсьыс оз вун — Талун миян чужан лун! Мича нимъяс пемыд арся войын Тэныд кызмырдӧнӧн вӧзйисны... Ассьыд чужан нимтӧ ветьӧкшойӧн Чышкыны нин кӧсйисны. Ёрліс повтӧг Уна пӧч — Кулан... он пӧ ов тэ Асъя кыаӧдз... Некодлы мед тӧд вывсьыс оз вун — Аддзим кыа, аддзам лун. Паськыд му эз лысьтлы весиг шунысӧ, Мӧвпыштны эз кужлы, гаравны — Кыдзи коми олӧм мунӧ нин, Кыдзи коми войтыр варовмӧ. Лои шемӧс — Коми кыв (Вӧт али нӧ вемӧс?) Юргӧ парма выв. Ӧні... шонді, дзирдалӧмӧн пет — Коми йӧзлы республика сет. Чолӧм тэныд, Коми автономия, Чолӧм вит во тыран луныдлы! Тӧдам: тэнӧ восьтіс коми йӧз Шогсӧ ассьыс вунӧдны, Чӧвтны сійӧс. Дорны шуд... Мӧлӧт киас... Чорыдджыка кут! Некодлӧн мед тӧд вывсьыс оз вун — Талун миян чужан лун!
