СТУДЕНТАЛІГӦН

Керкаыс кӧдзыд, ывлаыс шоныд...
Сё майбыр олӧм, сё майбыр олӧм.
Тыдалӧ кутіс тулыс нин воны,
Волы нин, волы, волы нин, волы!

Пес пыртіс Антус^Антус — ӧти студент/^: бара на шонтам,
Уль русӧ косьтам, уль русӧ косьтам!
«Мый нӧ он пачтӧ, дежурнӧй, ломты!..
Трубасӧ восьты, трубасӧ восьты».

Трубасӧ восьті, саӧссис киӧй —
Чышкышті гачӧ, чышкышті гачӧ.
Антусыд газет пожӧм пес пиӧ
Сюялӧ пачӧ, сюялӧ пачӧ...

Трачкӧдчӧ пачыс, трубаыс шургӧ,
Шоныд дук кылӧ, шоныд дук кылӧ...
«Дыр тай нӧ ветлін?.. Ывлаас пурга?»
— «Кутшӧмъя!.. Сылӧ! Кутшӧмъя! Сылӧ!»

Пач лои ӧдъя. Пач дінӧ воим.
Улӧсӧн юксим — кыкнаннас юксим^Миян нёль мортлӧн вӧлі сӧмын кык стул/^.
Нёльнанным сэні пач гӧгӧр лоим —
Сувтім и пуксим, сувтім и пуксим.

Шонтысям... Ӧдъя... Ошйысям-керам —
Сідзи да тадзи, сідзи да тадзи.
Висьталам. Кывзам. Петкӧдлам серам...
(Шоныдін аддзим, шоныдін аддзим.)

Таркӧдчӧ кодкӧ... «Лэдзам аль огӧ?»
«Пыр» шуим ставӧн, равӧстім ставӧн.
Локтісны нывъяс, локтісны... могӧн —
Первой на таво, первой на таво!

Ичмоньяс, аньяс, кӧзюкъяс^Кӧзюк — мусук/^, нывъяс
Пырисны уна-н, пырисны уна-н.
Тэрыбджык важысь лоины кывъяс...
Сэсся ме муні, сэсся ме муні.

Локті нин рытнас, пемыднас, войнас.
Ставыс нин узьӧ, ставыс нин узьӧ.
Мунӧмась нывъяс... Гаж петӧ сёйны.
Сьӧлӧмӧй пузьӧ, сьӧлӧмӧй пузьӧ...

Асывнас садьман — дежурнӧй мунӧ
Титовӧ^Титов — ӧти булошнӧй/^ няньла, Титовӧ няньла.
Ӧдйӧнджык чеччан — кӧдзыдыд вунӧ...
Сэсся но шаньлы, тырмылас, шаньлы!..