* * *

Сорласис кор ывла вылын
Пемыдыскӧд пабрик тшын,
Джуджыд труба весьтын ылын
Дзоргис кӧдзыд тӧлысь джын.

Ывла вылын йӧзыс жуис:
Уна сьӧлӧм тіпкис сэн,
Уна ногӧн вирныс пуис.
Уна пӧлӧс юрас вен.

Шуштӧм... Быттьӧ ӧтнам вӧрын.
Дзуртӧ, лявзӧ еджыд лым.
Йирмӧг... Сӧмын морӧс шӧрын
Ӧти бикинь вӧлі пым.

Югыд кодзув вылын-вылын.
Пыдӧдз-пыдӧдз муыс кын.
Джуджыд труба весьтын, ылын
Дзоргӧ кынмӧм тӧлысь джын.