ОРДЙЫСЬӦМРабочӧй! Колхозник! Крестьянин! Кылад Гораа чуксасян шы? Уджалысь войтырлӧн Сӧвет му вылын Ветлӧдлӧ ордйысян гы. ___________ Му пасьта юръялӧ, Босьтчӧдӧ сьӧлӧм Удж вылӧ чуксасян гор: Сюсьджыка, тӧварыш! Дышлунтӧ ӧлӧд! Ёртъястӧ ордйысьны кор! Зэлӧдлӧй вынйӧртӧ, Уджным мед ӧддзас! Фабрикъяс, шахтаяс, му! Важ серти быдӧн мед Кык мында вӧчас! Дзулькйӧн тэ, уджалӧм, пу! ___________ Выль олӧм вермам мед Тыр-бурӧн тэчны, Чегас мед врагъяслӧн гыж, — Ӧдӧбты эбӧснад, Вынйӧртӧ лэчты! Тодмышкав сійӧс, код дыш!
