МӦД МИКУЛ САР

Микулайыд миян
Колис ассьыс престол.
Шуӧ: «Мый пӧ сійӧ...
Престолсьыд мем немтор.
Деньга менам тырмас
Ӧрӧжкиӧн сёйны —
Мӧдтор вылӧ ӧні
Важ ног ог кут койны.
Святӧй Гриша кулі —
Нинӧм ӧні повны;
Сашук сэсся кутас
Мекӧд бара овны.
Меным деньга тырмас —
Англияын уна.
Ӧльӧксей кор быдмас,
Деньгаысла мунас».
Микулай оз шогсьы.
Лӧсьыда зэв олӧ.
Важ грекъяссьыс сӧмын
Омӧлика полӧ.