МАЙ ЛУНВыль йӧз — ён, Плагныс дон... Петам косьӧ, зон. Орйӧдлам ми гез, Мед эз вӧвлы гез, Эз. Лоам кӧртӧсь, Жуллям кӧртӧд, Ставсӧ... Мед рака кравзӧ, Кырныш курксӧ — Мездам парма чурксӧ, Вӧчам сэтчӧ рай. Сійӧ — миян пай. Миян кӧ и — вай. Коми йӧзӧй, вылӧ кай — Оз ков вуджӧр, шонді сай. Ас муысь ми аддзам рай. Талун первой май — Му выв мырсьысь йӧзлӧн Плагныс ӧзйӧ Дон. Тільсьысь йӧзыс — ён... Коми морт, Эновт горт, Пальӧд он. Кылан али он? Коми ныв, Коми зон, Сьӧлӧм ӧзтан сьыланкыв Пет тшӧтш сьыв, Кыв! Пет сьыв — Медым гажмас ывлавыв, Ки-кок лоас сыв, Парма вомӧн пуяс йыв Рытыввыв И асыввыв Медым мунас Быд коми сиктӧ уна Сьӧлӧм ӧзтан сьыланкыв, Пет сьыв! Выль йӧз — ён, Плагныс — дон.
